
الامل هو منارة لنا في هذه الحياه
فبدونه لن نمضي في حياتنا ابدا
ساعات اتخيلني سفينه و هالدنيا بحر
ويا كثر هالعواصف بس الحمد الله تعدي
وفيه عواصف تحس انها مو راضيه تعدي
بس هم الحمد الله تعرفون كل ما ضاق صدري و حسيت انه قفلت
سبحان الله .. الله يجيب لي خبر حلو
يجدد امالي ..... الامل اللي عمري ما تخليت عنه
بس ما اخفي عنكم ساعات يصير ضعيف جدا
لكن يرجع مره اخرى كأنه يعبي طاقه
طاقه ايجابيه تحركني للمستقبل بخطوات ثابته
الامل هو المناره اللي تشدني و تخليني اكمل المشوار
عشان ارسي بسفينتي في ميناء الاستقرار و الامان
صج الامل مثل البطاريه محتاج كل فتره نشحنه
لانه مو حلوه يقفل علينا
عاد وقتها حدث ولا حرج انواع الافلام اللي بتصير فينا
شلون نبحر في سفينه وسط بحر هايج و في ظلام من غير منارة تهدينا الطريق الصحيح
يعني حده ما نترقع
عاد يا شباب هالله الله بالاخبار السنعه
ترا بطاريتي فيها نقطتين بس
اطلب من كل شخص يكتب خبر ايجابي حلو سواء شخصي او عام
وان كنت افضل على المستوى الشخصي
خلنا نشوف الناحيه الايجابيه لو مره بحياتنا
او ما هو اللي تحبه في حياتك الان ؟؟
بليز هالمره ما ودي اشوف شي سلبي
مو ناقص لاني غرقان سلبيه
حياتي طفحت منها عشان جذيه خل اغير شوي
ولا تخافون البوست الجاي ابو السلبيه
(( ابو طبيع ما يجوز من طبعه ))
....................
منارتي أضيئي انوارك فأني اكاد اغرق في بحور الظلام

%2520Schwangau,%2520Germany.jpg)
