و اخيرااااااااااااااااااا

ولله الحمد واخيرا بعد طول انتظار و بعد مرمطه في اخذ الشهادة الموقره اللي دراستها طلعت من عيوني

وعشان اطلعها طلعت روحي

وعشان امشي في امورها للتوظيف مشوروني و مرمروني و خلوني احس انه شهادتي شهادة ابتدائي محو اميه و ليس طب

شكرا حكومتي العزيزه شكرا جامعتي الغاليه جعلتوا حصولي على الشهادة احلى على من التخرج نفسه

و توظيفي كأني عجوز عورة و خطبها امير

لذلك اسمحوا لي ايها الاخوان و الاخوات اني شبه افصل من الفرحه اليوم و اكاااد و ركزوا على اكااد عشان ما تمسكونها علي

اني اكون نفس اللي في الفيديو

و

اخيرا توظفت و كان اليوم اول يوم دوام

ملاحظه :

لحد يجيني يقول ابي اجازه طبيه انا ما عندي واسطات

p:

طبعا اشكر بالفعل كل من ساندني عشان اعدي الايام الصعبه سواء من الدراسه او ما بعدها

فضلك كبير علي و شكري لن يكفي هذه لكل من وقف بجنبي

واخص اهلي الوالد و الوالده بشكل اساسي و مو بس اهلي من الدم هم بعد اهلي اللي بالروح والعشرة اللي اعتز فيهم وكان لهم دور كبير في حياتي اللي في غربتي كانوا معاي خطوه بخطوه حتى شعرت معهم اني في الوطن

شكرا لكم جميعا

وشكرا لكل اللي يتابعني في المدونه تراكم ساعدتوني في الفتره الاخيره بصوره او باخرى بشكل بعضكم ما يشعر فيه

واني اكون انسان افضل

اما الان عيدوا الفيديو و ركزوا و لا تتخيلوني واقف معاها :)

.................................................................................

yes keep ur smile

:)