السبت، 18 يوليو 2009

شواطئ للعراة في الكويت!


هذه قصيده اعجبتني عن حال الكويت نقلا عن الكاتب بسام الفهد بجريده الوطن

التي ارسلها له احد القراء


....................................................................

- الدعارة.. في بلدنا صارت.. شيء عادي!!

شوفوا «كبر».. «.......» في تمادي..

الله أكبر.. «هالتفصخ».. صار عادي!!

وين المراجل وتقاليدنا والأدب والدين؟!

من متى.. صرنا في هالأمور نستهين؟!

من متى «المايوه» على شاطئ المسيلة يلبسونه؟!

هذي «حرية».. كيفه.. خل «يتفصخ» لا تمنعونه!!

يا زمان العجايب،، ما عادت مناظر شينه «أذيّه»!!

- والمسؤول مشغول في «استجواب» و«قضية»!!

«إيش» هالقضية؟! اللي أشغلتنا.. والناس داخت..

«خمسة مليون».. حق كم شخص.. عطوها!!

شفيها.. يعني؟! ما البلد كلها ولت وراحت..

- الشواطي صارت دعارة.. والبوقات صارت شطارة.. وتعليمنا غيّر مساره..

واللي ناطر بيت الحكومة.. مل وطال انتظاره..

وعياله صارت تلومه.. يشتغل ليله مع نهاره..

ما بقى.. إلا اهدومه.. يبيعها ويدفع اجاره!!

- والصحة اللي نسوها.. وللبياطرة اتركوها..

يجي مزوّر الشهادة.. وعندنا يستلم عياده..

والهندي.. يخلص الهندي..

والوافد.. عندك.. ما عندي..

والتشخيص.. غلطاته غلطه..

يسبب للصاحي «ألفين» جلطة.. والملف «خشه» و«قطه»!!

- يا زمان العجايب.. ها البلد فيها غرايب..

«البدون» اظلومهم.. هالبشر ما هم بشر.. إميّه ألف.. ونسوهم!!

ومن الشغل امنعوهم.. كيف عايشين هالبشر؟!

كم بينهم من حر واصيل.. أصبح في ديرته ذليل..

يا وزير.. يللي مرتاح بالك.. ومتهني وسط عيالك.. شوف العزيز اللي انذل.. اللي حاله تبدل.. ترا المال ما هو مالك..

يا وزير.. ويا وزيرة.. الحسد.. وماكو غيره..

ما يتجنس الا الممثل.. والمغني والمطبل..

سموها أعمال جليله!! حقك والله يا بو طبيله..

- والشعب لحقته المهانة..

من ورا البنوك والديّانه..

راتبه ألف.. وما بقى غير ميّه..

وتسعميه اشفطوها..

هالبنوك الربوية.. وبعد هالمية بغوها!!

والحكومة يا الله من فضلك.. مطعم ساكت عجيب!!

- ليش الكويتي يهينونه؟!

مديون.. والزوجة مديونه..

و«المركزي» ناطر يجونه..

مسجون.. ولا.. مجنون..

- والكهربا.. كل يوم طافيه..

وحراميها عليه العافيه..

وارباحه ياخذها صافيه..

وعلى شواربهم يمون..

- يا زمان العجايب.. بلدنا كله غرايب.. صار كله نهايب..

والحكومه.. وش هالحكومه؟!

اللي يبيها ما نلومه.. تحوشه منها تخومه..

عين عذاري.. تخلي ولدها.. والعراقي تشبعه..

تعطي اللي برا.. والكويتي تمنعه..

تبي تسقط عن العراق الديون.. والكويتي لازم مديون..

ما يصير!! كيف العدالة تكون؟!

- مستأجرة هالمباني.. في الرقعي ويالشعب!!

والضجيج.. يحق لك تلعب لعب.. يا اللي موكل عليها..

والكيربي في كل مكان.. في الأميري والصباح.. وفي العدان..

تكفا.. تكفا.. تكفا.. تكفا.. عندي كمٍ شاليه.. ودي أأجرهم عليه..

وعمولتهم مضمونة.. تاكل أحلى صمونه.. في مطعم ساكت عجيب
.......................................................................................
صح لسانه وتسلم يد كاتبها

هناك تعليق واحد: