المشكله مو في سالفه انه يطلب الفلوس ( الشحاذه ) لانه يمكن صج محتاج وان كنت استغرب من توفر المال من اجل الاعلانات
لكن الله العالم باحوال البشر
بس من باب اولى انه يطلب من شيوخه , من ديرته , من حكومته
صحيح الخليج كله اخوان وشيوخه يستاهلون كل خير و فيهم الكرم والنعم فيهم
بس مهما كان هذه عيبه بحق الكويت حكومه و شعب
ترى معناها كبير
ليش ماعندنا شيوخ ؟!!!!
مافي حكومه ؟؟
هذه يضرب في هيبه الشيوخ و الاسره الحاكمه بعد ما تم ضرب الحكومه
وبالتالي ضرب اكبر في هيبتنا كدوله
انا اعتبر هذه الاعلانات اهانه للكويت
لو كانت لاحد كبار الاسره تهون
لو كانت لوزير تمشي
نائب نبلعها
على الاقل كويتي منا و فينا و(( يعتبر )) من رجالات الدوله
اتمنى للاسره الحاكمه ان تنتبه على هيبتها ترا صج كفايه
كفايه مهازل بحق الكويت
جت على هذي ؟؟
ردحذفشيوخنا اخر شي تهتم فيه "الهيبة" للأسف لأن هيبتهم من هيبتنا ولكن ضيعوها الا من رحم ربي .. !!
ولا في شيخ تخصصه يفتتح معارض ودور ازياء نسائية ؟؟
والثاني يقولوه انت شيخ "بلاش" وهو يضحك فاتح الكشره !!
اي هيبه اي بطيخ خلها على الله
زين يعني الاسره كلها مافيها شيخ واحد !!
ردحذففيها بس المشكله يا كثرهم ما يبون يطلعون في الاعلام
وبعضهم منعزلين عن الدنيا
ولا سالفه الشيخ ابو معارض ولا ذاك الشيخ ابو المغنيات المغربيات خلك منهم
ليش ما يحطون اعلان للامير
لولي العهد
الشيخ سالم العلي
الشيخ مشعل الاحمد
الشيخ فهد الاحمد
الشيخ احمد السالم
وفيه غيرهم واجد وهم قدها بس للاسف مافيه التحرك المطلوب من الاسره في مواجهة هيبتهم
الحكومه وغسلنا ايدنا منها
شنو باقي بعد غير الاسره
لانه بعدها صج تثبتون للعالم احنا ديرة ماشيه على البركه
المشكله هيبتهم من هيبة الدوله
وتراها كبيره بحقهم مثل ماهي كبيره بحقنا
لاحول ولا قوة الا بالله !!!
ردحذفاخوي عين بغزي
ردحذفصج لا حول ولا قوة إلا بالله
انا احاول اكون متفائل بس شسوي اذا حال الديره جذيه هذا من حبنا لها و خوفنا عليها
اختي why me
من حقج تزعلين
لاحظوا بس الاعلان الاول شنو يقول لم يتبقى لي سوى الله و من ثم انت !!!!!!!!!!!!!!
الكويت خلاص خلصت مافيها .....
مو قادر اقولها والله
الله يعين ان شاء الله و ينتبهون نرا كرامة الدوله فيهم
وش فيها^^
ردحذفشحاده دوبلوماسيه بطريقة دراميه^^
عندنا بالسعوديه ادهى وامرررر^^
يا هلا فيك اخوي
ردحذفcrazy in freedom
حي الله اهل السعوديه
اعرف اللي موجود عندكم
لكنها عيبه لما يتعدى كل شيوخ الكويت و يشحذ من برا
هذه معناها انه ما يشوفهم شي و هذه مصيبه لاي اسرة حاكمه
يعني تخيل لو واحد ينزل اعلان في جريدة الرياض ويكتب انه مديون و ما عنده غيره الله ثم انت يا حسني مبارك
تهقا بن سعود يسكت عنها !!!
المهم انت شرفت دارك وحياك الله بالمدونه لا تقاطع :)
يافيلسوف
ردحذفاولا الشحاده هي نفسها الشحاده
شحدت من الصباح او السعود او الكندي^^
واعتقد ان هذي شحاده ذكيه شوي
تهدف لوضع الصباح بموقف محرج
ممكن عشان يرسل رساله مفادها
اما تعطوننا اللي نبي وبقدر مانبي ياالصباح او نحرجكم بالاعلانات^^
يعني احس ان فيها شوي مناوره طفوليه^^
بالاخير
صدقني لايجروء اي سعودي على فعلها
لان السعودي اللذي سيفعلها
من الغد
ستخطفه الاطباق الطائره*_^
ويختفي اثره
فوووور ايفرررر
يعني
المفروض ينشرون بالاعلان تذييل مفاده
(الحمد لله اننا كويتيين^^)
أنا شفت هالإعلان اللي كان في مناشدة لمحمد بن زايد و إستغربت الصـــراحة، بس الي أنا شفته الإعلان ما كان صغير شوي كبير..
ردحذفو الإعلان في الجرايد مب هين و رخيص شوي غالي اللي اعرفه .. !! عشان جي شكيت .. و عقب قلت لا يمكن حرام هذا فقير ..
بس هو شدراه إنه محمد بن زايد بيمسك هالجريده ..
بس حركة شوي مب حلوة حسيتبها و نفس ما قلت كأنها إهانه ..