الأحد، 23 مايو 2010

الحنطور العربي






لماذا نحن لسنا من الدول المتقدمه ؟!!


سؤال نسأله بقمه السذاجه و نحسب اننا في يوم و ليله سوف نكون من اعظم الدول


كيف و نحن في دول نظامها من الاساس خاطئ


اصبحنا نهوى ان نجعل كل ورقه تنتهي بشهر بدل يوم واحد



نمتلك الكثير من اجهزة الحاسب ولكنا لا نستخدمها إلا في اللعب و المحادثه مع الاصدقاء والحبايب


لم نعرف اختراع الايميل إلا من اجل النكت و الفضائح اما العمل فهو اخر شيء نفكر فيه


اصل يا باشا الورق كده لما يلف بيشغل ناس كتيره وبيفتح بيوت


قطع الاعناق ولا قطع الارزاق يا اكسلنص


انا اقول قطع الله راسك يا اكسلنص

يعني مافي عمل ولا حل للبطاله إلا تأخير اعمالنا


شوفوا انا صار لي اربع اشهر عشان اطلع (( افاده تخرج ))


والله لو بماء الذهب و عند خطاط ايراني في الصين و رايح له مشي كانت خلصت


بص يا باشا النظام نظام


المشكله صح مو في الموظف هذا المسكين


المشكله في نظام دوله


_ طبعا انا الان رحت فيها و امن الدوله على الباب نشوفكم على خير _


يعني كل هذا بسبب نظام سخيف مازلنا نتمسك به و نقول لييييييييييييييييييييييييييه ما نكون من الدول المتقدمه


بس انا المفروض افهم واطلع الحلاوه عشان كل حاجه تمشي زي اللوز


بس انا اسف


لم اتوقع ان تكون حتى اماكن العلم التي يخرج منها من يحرك البلد و من يقودها بهذا الفساد


طبعا انا بحاول بشرف ولن اجرب الرشوى وان شاء الله الشرفاء مازالوا موجودين


هذا بام الدنيا



اما الكويت يا سلام ما ادراك ما في الكويت _ طبعا الله يستر لما ارجع اخلص اوراقي بلف لفه محترمه _


طبعا انا من الان لازم اشوف لي فيتامين واو محترم عشان احتمال اتعين وكيل وزاره مساعد


كيف يكون في الكويت


الدوله التي تحتاج لكل مشروع تنموي كبير ان تكون هناك دورة مستنديه مدتها 18 شهر


نعم 18 شهر يعني الوقت اللي غيرنا يخلصوا مدن كامله بما فيها


من مدارس و مستشفيات


احنا نكون تونا لسه مخلصين من الدوره المستنديه


عاد هذا الشغل لو كان تمام وما في مشاكل او نرجع من الاول يا باشا


اقول بدال ما تحطون قوانين و خرابيط ترقعون في النظام


غيروا النظام من اساسه بنظام اكثر مرونه من اجل تقدم البلد

مثل ما قال النائب السابق الدكتور حسين القويعان

__ طبعا انا اقصد بدل النظام البيروقراطي وليس الحكم نفسه __
_ عشان ما انفهم غلط _
_ يقولك من خاف سلم _
هذه الصوره ذكرتني بحالتنا
هذا احنا نزين و نعدل بهالاشكال بس في الاخر يظل حنطور





نراكم في القريب العاجل اذا الله اراد و لم ازعج العالم الاخر


اللهم احفظنا و اهلنا من كل شر




هناك 6 تعليقات:

  1. الله يكون بالعون يا خوي


    لوووويه الله يعينك


    عادي كل الدول العربيه جذي إتضيق الخلق




    صباحك إشطه يا فندم
    ;pp

    ردحذف
  2. إفادة تخرج 4 شهوور؟ ليش هلكثر ما يسوى .. !!
    و 18 شهر حق المشاريع التنمويه؟؟ و ليش هالكثر يعني أكثر عن سنة 6 أو 8 شهوور يكفي إلا إذا كان مشروووع وااايد كبير ..
    قرييت مره في الجريدة الحين بيسووون قطار يربط بالإمارات كلها يعني مثل شارع الإمارات لكن هالمره قطــار و بعد سمعت إنهم بيدرسوون هالشي لشهوور طويله، بس أنا قلت يمكن هالدراسه طويله عشان ياخذوون إذن من كل إمارة و على حسب تربة الإمارة يعني دبي غير عن راس الخيمة و أم القيوين غير .. و نحنا بعد كل إمارة و نظامها شوي معقد نظامنا .. فعشان جي بيطولوون و أشووفه وايد بعد ..

    بس إذا في الكويت جذي لازم البنية التحتيه تتغير، يعني الأساس و القوانين لازم تكون شوي مرنه في هالحـــالة .. و السرعة في التطبيق، لكن لا تستوين سريعين نفس دبي، لأنه نحنا بعد كنا متأثين من هالسرعة .. لأنه ها سلبي بعد في نفس الوقت .. شوفو شو إستوى في دبي في الأزمة راحت فيها و هي الحمد الله تقاوم لكن مازالت تحاول تطلع . و حتى مره سمعت إنه محمد بن راشد الحين أصدر قرار عن البنيان السريع ممنوع لأنهم شافوا شو إستوا بس ما اعرف إذا صح أو لا هالقرار ... !!

    و الواسطات ياخويه في كل مكان .. !!

    بس أحس النظام شوي ممكن ثعب يتغير .. أنا دايما أربط هالشي لأنه هاللي لاحظته..

    و اللي هو الكويت قبل الحرب كانت ماشاء الله قويه و رقم واحد كنا نشووفها في الخليج .. لكن بعد الحرب أمووور وايده تغيرت في الكويت، يمكن هالشي هو اللي خلى الكويت جذي اليوم.. ما أعرف أقول جي يمكن هذا عامل من العوامل ..

    بس الله يخليلكم الكويت، ترا الكويت حلوة و الله .. و فيها ناس أخيــار شراتكم .. و الله يحفظها من كل شر ..

    ردحذف
  3. وحش الشاميه و المناطق المجاوره25 مايو 2010 في 1:32 ص

    الله يعينك وانشالله ترجع بالافاده و الشهاده ونشوفك باش مهندس قد الدنيا بس للامانه في نقطه لازم نسجلها لجامعه الكويت انه بعد امتحانك الفاينل ب اسبوع الى اسبوعين يعطونك شهاده لمن يهمه الامر عشان تتوظف فيها ولكن الله يعينك في مصر نصيحه اخو ذل جنيهك يعطونك الافاده اما اذا ذليت دولارك يمكن يعطونك شهادتك فوقها شهاده حسن سير و سلوك المهم يا ريسنا تر مشتاقين لك و المنطقه الحره ظلمه بدونك بس لا تنسى الكتاب حدي نصاب ها

    الله يسهل امورك انشالله

    ردحذف
  4. why me

    صدقتي هذه حالتنا لكن بدل ما نندب حظنا و نرقع في النظام

    خلينا نحط نظام مثل الناس و الاوادم عشان نرتاح

    ردحذف
  5. AM.SA.CHANNEL

    شفتي شلون 4 اشهر من اجل افادة تخرج

    ليش هذه طويله لانه يوجد مجلد من الف صفحه مليان اعذار اختاري العذر اللي يعجبك و واحد منهم اذا ماني غلطان الاحتباس الحراري

    ميزة امارة دبي انه فيها قرار سياسي حازم ينهي كل هذه الامور

    هذا ما نحتاجه عندنا

    اذا ما عليكم امر كملوا القطار لي عندنا و خلوه يلف لفتين عندنا ترا تسوون فينا اجر

    مع انه كلنا بنسوي نفسنا هاي كلاس و ما نركب إلا سياراتنا

    ردحذف
  6. وحش الشاميه و المناطق المجاوره


    هلا بالحبيب و الله انت اللي لك وحشه

    و انا باخذها بشرف ان شاء الله

    وقف معاي خوش موظف في الجامعه و خلصها ولله الحمد

    ان شاء الله تتكمل

    اما سالفه حسن سير و سلوك افا عليك تعرفني

    عطوني منها 2 لا و قبل ما تخلص شهادتي بعد

    ان شاء الله نشوفك عن قريب و معاي الكتب

    ردحذف