الجمعة، 11 يونيو 2010

الواسطه في كأس العالم


بما انه البوست اللي فات كان عن الواسطه

لما شفت هالصوره قلت لازم انزلها في المدونه


هذه الصورة تثبت ان الواسطه القويه تسوي اللي ما يتسوى


ومثل ما قالوا الصورة خير من الف كلمة


ابي رايكم في الصوره ؟؟؟؟؟

النص

-------------------------------------------------------

قرار رقم ( 1808 / 2010 )

بشأن ايفاد السيد / XXXXXXXXXX

في مهمة رسميه لجنوب افريقيا

المدير العام :

- بعد الاطلاع على قانون و نظام الخدمه المدنيه وتعديلاتها

-وعلى القانون رقم 62/82 بشأن الهيئه العامه للتعليم التطبيقي والتدريب

- وعلى قرار مجلس الخدمه المدنيه رقم ( 8/79 ) بشأن لائحه السفر ومصروفات الانتقال وتعديلاته بالقرارات ( 8/80 , 3/81 , 2/92 )

- وعلى كتاب تنسيق الدورات الخاصه رقم ( 160 ) بتاريخ 12-5-2010

- وعلى موافقة نائب المدير العام للشئون الاداريه

- وعلى الربط المالي رقم ( 36 ) بتاريخ 12-5-2010 (مهمة رسميه )

وبناء على ما تقتضيه مصلحه العمل

تقرر

مادة اولى : افاد السيد / xxxxxxxxx _ كويتي الجنسيه _بالدرجه ( أ )

بوظيفه مراقب _ بنادي العاملين في مهمه رسميه إلى جنوب افريقيا لحضور فعاليات نهائيات كاس العالم خلال الفتره 11-6-2010 وحتى 15-6-2010

مادة ثانيه: على جهه الاختصاص كل في ما يخصه تنفيذ هذا القرار والعمل بموجبه

المدير العام

أ.د / يعقوب السيد يوسف الرفاعي

------------------------------

هيئة للتعليم هي وين و كاس العالم وين ؟؟

ولا هي كوسه و خلاص

طبعا اكيد هذا لاقي له منفذ قانوني ولا ما كتب فعاليات كاس العالم

شكله اخر شي يقول انا رايح هناك حتى ادرس كيفيه التعامل مع اعداد الجماهير الغفيره في الملاعب

و تأثير الهواء على انحراف الكره اثناء تسديدها بأتجاه المرمى

و سلم لي على البذنجان

هناك 3 تعليقات:

  1. هههههه

    إي و الله أنا متأكده أنه يسوي بحث فيزيآ
    زآوية "الشوته" سرعة الهوآء في اليوم الحار،
    الجآذبية الأرضية و تأثيرهآ على طيرآن الكوره
    و زاوية السقوط و كيفية السقوط و أخيراً يصرررخ:
    قووووووووووووووووووووول!! و يلف على الصبي
    اللي يمه و يطلبله مشروب لأنه المسكين الفقير إلى الله
    تعب ، عينه تحركت وايد نفسيته تغيرت أثناء المشاهده ،
    الفريق الثاني تعبه!

    لذالك يتقرر
    مادة أولى: تعويض السيد / xxxxxxxxx _ كويتي الجنسيه _بالدرجه ( أ )
    بمبالغ مالية لمراجعة دكتور نفسي لتعب نفسيته في نهائيات كأس العالم في أفريقيا و للمجهود المبذول
    الذي تسبب بأمراض جسدية كـ (الضغط، سكر .. إلخ)

    ~~

    همم
    و الله حآله
    :)
    طيب خل يعطون واسطه للي يبي يتعالجون بالخارج.
    كل الكويتيين فيهم نقص الفيتامين D و نصهم للفيتامين W
    بوست امم مُنهك
    أرق التحيه

    ردحذف
  2. لووووووووووول تصدقين كلامك عين العقل

    الريال مسكين لازم يصرفون له بدل تعب للنفسيه

    انتي لو تعرفين كم مخصصات السفر بس

    اتوقع يصير فيك شي من هالامراض اللي قلتيها

    يعني هالاربع ايام بمعاش كم موظف في الدوله

    يعني يا سلام سلم

    واذا تبين الصج الكل تقريبا عنده فيتامين وااو بس تختلف قوة الفيتامين من شخص لاخر


    بس هذه الفيتامين عنده مو حده قوي إلا مطشر الدنيا

    يقولج ساعات كثرت الفيتامينات تتعب الواحد

    ردحذف
  3. اي و الله بيصير فيني لا سمعت الرقم!
    أرجوك أحتفظ فيه لنفسك..

    صح و الله بس عاد لي متى ، انا ما اعارض الواسطه
    في امور كثيره، لكن بهالسخافات شي طبيعي أعارضها!
    وايد ناس احق يصرفون هالفلوس على اشياء وايد اهمها
    العلاج!

    ايه و الله كثرتهم تتعب :)

    ردحذف